Presidenti i Shteteve të Bashkuara, Donald Trump, ka uruar Papën e ri, Robert Francis Prevost, i cili bëhet Papa i parë amerikan në historinë e Kishës Katolike Romane.
Trump e cilësoi emërimin e Prevostit si një “nder të madh” për Shtetet e Bashkuara dhe shprehu emocionet e tij për këtë ngjarje historike.
“Urime kardinalit Robert Francis Prevost, i cili sapo u emërua Papë. Është një nder i madh të kuptosh se ai është Papa i parë amerikan. Çfarë emocioni, dhe çfarë nderi i madh për vendin tonë. Mezi pres të takoj Papa Leon XIV. Do të jetë një moment shumë domethënës”, ka shkruar Trump./Dukagjini
Nga oxhaku i Kapelës Sistine, në Vatikan, nën të cilën 133 kardinalë janë mbledhur në Konklav që nga e mërkura, 7 maj, doli tym i bardhë, në shenjë të zgjedhjes së Papës së 267-të.
Robert Prevost është zyrtarisht kreu i Kishës Katolike, duke u bërë kardinali i parë amerikan që zgjidhet Papë.
Ai është Papa i 267-të i Kishës Katolike. Udhëheqësi i ri i 1.4 miliardë katolikëve të botës do të njihet si Leo XIV. Pak më herët, nga oxhaku i Kapelës Sistine doli tym i bardhë, që u prit me brohoritje nga qindra qytetarët e pranishëm në shesh.
Papa i ri, kardinali amerikan Robert Francis Prevost, do të njihet me emrin Papa Leo XIV.
Çka pritet të ndodh tani?
Pasi të zgjidhet papa, dekani i Kolegjit të Kardinalëve e pyet atë: “A e pranoni zgjedhjen tuaj kanonike si pontifi suprem?”
Nëse ai pranon, duhet të vendosë emrin e tij papnor. Kardinalët pastaj do t’i zotohen për besnikëri papës së ri.
Më pas, ai do të çojë në Dhomën ngjitur të Lotëve, ku do të ndërrojë veshjen e tij të kuqe të kardinalit me rrobën e bardhë papnore. Zakonisht, rrobat papnore përgatiten më herët në madhësi të vogël, të mesme dhe të madhe.
Këtë herë mendohet se Vatikani po riciklon rrobat e përdorura në konklavat e mëparshme.
Papa i ri pastaj shoqërohet në ballkonin kryesor të Bazilikës së Shën Pjetrit për të përshëndetur turmat, ku do të shqiptohen fjalët e famshme: “Habemus Papam” (Kemi një Papë)./Inaonline
Pakistani dhe India kanë akuzuar njëra-tjetrën për sulme me dronë dhe raketa gjatë natës, me Delhin që pretendon se ka penguar sulme në më shumë se një duzinë qytetesh dhe Islamabadi që pretendon se ka rrëzuar 25 dronë indianë.
Nga këto akuza të ndërsjella shënuan një përshkallëzim të ashpër të konfliktit midis dy kombeve të armatosura me armë bërthamore.
Ndërkohë, Pakistani është shprehur se që nga mëngjesi i së mërkurës, 31 persona janë vrarë dhe 57 të plagosur nga sulmet ajrore në Kashmirin, si dhe nga të shtënat përgjatë Vijës së Kontrollit.
Gjithashtu, ushtria indiane thotë se të paktën 16 civilë u vranë nga bombardimet pakistaneze në anën e saj të kufirit./Albeu
Programi i “pasaportave të arta” në BE tani është ndaluar nga gjykata më e lartë. Por mund të ketë mënyra të tjera që vendet të fitojnë para.
Ai ka punuar me dhjetëra vite për këtë. Megjithatë Manuel Delia nuk mund ta besonte plotësisht vendimin e Gjykatës Evropiane të Drejtësisë (GJED) më 29 prill. “Unë bërtita pak,” i tha ai Deutsche Welles. “Prisja lajme të këqija”. Delia, një bloger anti-korrupsion dhe drejtues ekzekutiv i organizatës malteze të shoqërisë civile Repubblika, ka bërë fushatë prej kohësh kundër programit të qeverisë së Maltës, që ofronte shtetësipër investitorët e huaj. Malta ishte vendi i fundit i BE-së që ofron këto të ashtuquajtura “pasaporta të arta”, pasi që këto skema u mbyllën në Bullgaridhe Qipro. Vendimi, thotë ai, justifikon punën e koleges dhe mikeshës së tij Daphne Caruana Galizia, gazetares së vrarë malteze që raportonte kundër korrupsionit dhe e cila ishte ndër të parat që nxori në pah rreziqet e programit.
“PASAPORTAT E ARTA” THJESHT NJË “TRANSAKSION TREGTAR”
Në vitin 2022, Komisioni Europian ngriti padi kundër Maltës për shkak të praktikës së saj të dhënies sështetësisë bazuar kryesisht në investimet e shtetasve të huaj në patundshmëri, duke argumentuar se marrësit e shtetësisë së BE-së duhet të tregojnë një “lidhje të vërtetë” me vendin që jep pasaportën, jo vetëm një angazhim financiar. Por Delia priste lajme të këqija sepse një mendim i publikuar nga avokati i përgjithshëm i GJED-së në tetor 2024 ishte në favor të qëndrimin e qeverisë malteze. Gjykata e Drejtësisë shpesh ndjek mendimet e avokatëve të saj të përgjithshëm, por jo këtë herë.
Gjykata zbuloi se politika e Maltës e bënte shtetësinë një “transaksion të thjeshtë tregtar” dhe se “praktika nuk e bën të mundur krijimin e lidhjes së nevojshme të solidaritetit dhe besimit të mirë midis një shteti anëtar dhe qytetarëve të tij, ose sigurimin e besimit të ndërsjellë midis shteteve anëtare”. Delia tha se mbështetja e vendimit ishte i mirë sepse bazohej në një “vlerë, një parim, solidaritet” midis shteteve anëtare të BE-së, pasi kushdo me një pasaportë malteze ka qasje në pjesën tjetër të BE-së.
PREJ NGA VIJNË ATA QË MARRIN SHTETËSINË E MALTËS?
Delia tha se vendimi i gjykatës ishte “vërtet i bazuar mbi prova sepse kjo skemë nuk mund të justifikohet vetëm me faktin që sjell para”. “Shtetësianuk mund të shitet, është shumë më e vlefshme se paratë”, tha Delia. Që nga fillimi i programit, Delia dhe vëzhgues të tjerë shtyruan pyetje se sa kontrolloheshin kërkesat e qëndrimit nga autoritetet malteze, pasi shumë investitorë nuk ishin të pranishëm në vend aq sa kërkohej. Në disa raste, nuk ishte as e qartë nëse blerjet e tyre ishin vërtet për akomodim dhe banime në këtë vend.
Të dhënat e marra nga Fondacioni Daphne Caruana Galizia zbuluan se investitorët kinezë merrni 9 nga 10 vizat e arta. Por këto shifra ishin më të larta se vetë numri i shtetasve kinezë të raportuar si banorë të Maltës sipas të dhënave të regjistrimit të popullsisë. Kjo sugjeronte “se të paktën gjysma e tyre nuk po e përdorin vizën e artë për të banuar në Maltë”.
NJË DERË MBYLLET, TË TJERAT MBETEN TË HAPURA
Kryeministri i Maltës, Robert Abela, e mbrojti pas vendimit këtë skemë në vendin e tij. Në një deklaratë publike ai tha se Maltës i solli mbi 1.4 miliardë euro. Ai tha se do ta ripërpunojë sistemin për ta përafruar me vendimin e gjykatës. “Si gjithmonë, Qeveria e Maltës respekton vendimet e gjykatave. Implikimet ligjore të këtij vendimi po studiohen në detaje, në mënyrë që kuadri rregullator mbi shtetësinë të mund të përshtatet me parimet e përcaktuara në vendim”, tha ai. Nëse përjashtohet blerja e pasaportave, do të gjenden mënyra të tjera për të blerë ato në zonën Shengen, ku ka interesim të madh. “Vizat e arta” funksionojnë në të njëjtat parime si programet e pasaportave, duke lejuar leje qëndrimi për blerje pasurish ose investime të tjera të mëdha.
Henley & Partners – e cila lehtësoi programin e pasaportave malteze – aktualisht rendit 31 vende midis klientëve të saj që ofrojnë skema “rezidencë me investim”. Gjysma e tyre janë në BE. “Kjo ende ju jep akses dhe shumë liri atyre në BE,” vëren Anna Terrone nga Transparency International.
Pas vendimit të gjykatës, zëdhënësi i Komisionit Evropian, Markus Lammert, ka shprehur “shqetësime serioze” me programet e “vizave të arta”. “Skema të tilla rrisin pasigurinë, pastrimin e parave, evazionin fiskal dhe rreziqet e korrupsionit”, tha Lammert. Ai tha se ligjet e BE-së kundër pastrimit të parave “kërkojnë që shtetet anëtare që operojnë me këto skema të monitorojnë rreziqet dhe të vendosin masa”. Në një rezolutë të Parlamentit Evropian nga viti 2022 thuhet se skemat “rezidencë-me-investim” duhet të përfshijnë “standarde dhe procedura” në nivel të BE-së për rritjen e kujdesit të duhur dhe për kontrolle rigoroze të të dhënave për aplikantët si dhe për burimin e pasurisë së tyre”. E duhet të mundësohen edhe verifikime të të dhënave kombëtare dhe ndërkombëtare. Por zbatimi i tyre është lënë në duart e shteteve anëtare.
MOMENTI PËR NDRYSHIM
Terrone shpreson se tani ka ardhur koha për ndyshime. “Arsyetimi ndoshta mund të shtrihet edhe në programin e vizave të arta,” tha Terrone. Lidhur me solidaritetin dhe sigurinë midis vendeve të BE-së, Terrone tha se nevojitej një përpjekje e përbashkët për të mbajtur jashtë “individët e korruptuar dhe të pasur që i kanë marrë paratë e tyre në mënyra të dyshimta”.
Për Delian, vendimi i Gjykatës është personal dhe ka të bëjë me personat si shtetas të Maltës. Delia tha se shtetësia është njohje e një lloj kontrate midis individëve dhe shtetit, është një bazë ku personat obligohen që të jetojnë së bashku mbi bazat e solidaritetit dhe njohjes së ligjeve. “Dhe kur kësaj çështje i vë një çmim, atëherë e ulë këtë parim”. (DW)
Avionët luftarakë izraelitë goditën një shkollë të lidhur me Agjencinë e Ndihmës dhe Punës së Kombeve të Bashkuara për Refugjatët Palestinezë në Lindjen e Afërt (UNRWA) ku po qëndrojnë refugjatët në Kampin e Refugjatëve Al-Bureij.
Të paktën 9 persona kanë humbur jetën, ndërsa shumë të tjerë janë plagosur si pasojë e sulmit të dytë që ushtria izraelite krye brenda 24 orëve ndaj një shkolle në kampin e refugjatëve Al-Bureij në pjesët qendrore të Rripit të Gazës, raporton Anadolu.
Sipas informacionit që Anadolu ka siguruar nga zyrtarët e shëndetësisë, avionët luftarakë izraelitë goditën një shkollë të lidhur me Agjencinë e Ndihmës dhe Punës së Kombeve të Bashkuara për Refugjatët Palestinezë në Lindjen e Afërt (UNRWA) ku po qëndrojnë refugjatët në Kampin e Refugjatëve Al-Bureij në qendër të Rripit të Gazës, për herë të dytë brenda 24 orëve.
Nëntë persona humbën jetën dhe shumë të tjerë u plagosën në sulm.
Në një deklaratë me shkrim të bërë dje nga qeveria në Gaza, u tha se 22 persona, kryesisht fëmijë, humbën jetën dhe 52 të tjerë u plagosën në sulmin që synonte shkollën e lidhur me UNRWA-n në kampin e refugjatëve Al-Bureij.
46 persona u vranë, përfshirë fëmijë, dhe 35 u plagosën, tha zëdhënësi i ushtrisë pakistaneze pasi India nisi sulme ushtarake ndaj objektivave në Pakistan herët të mërkurën.
India shënjestroi gjashtë lokacione me 24 sulme si në Pakistan ashtu edhe në atë të administruar nga Pakistani – Kashmir, tha zëdhënësi i gjeneralit Ahmed Sharif Chaudhry në një konferencë për shtyp të mërkurën në mëngjes.
Më parë, Pakistani tha se u goditën pesë lokacione. India ka thënë se në shënjestër ishin gjithsej nëntë vende.
Pesë persona u vranë, përfshirë një vajzë 3-vjeçare, në Ahmadpur East, në provincën Punjab të Pakistanit, tha Chaudhry. Një burrë u vra gjithashtu në Muridke të Punjabit, një qytet pranë Lahores, kryeqytetit të provincës.
Në Kashmirin e administruar nga Pakistani, një vajzë 16-vjeçare dhe një burrë 18-vjeçar u vranë në qytetin Kotli, shtoi ai.
Xhamitë ishin shënjestër e sulmeve, sipas zëdhënësit ushtarak./TopChannel
Kina ka hapur zyrtarisht spitalin e parë në botë të menaxhuar plotësisht nga inteligjenca artificiale. Siç shkruajnë mediat e huaja, spitali përbëhet nga 14 mjekë, të trajnuar nga sisteme të avancuara AI. Ky shënon një moment të rëndësishëm në integrimin e inteligjencës artificiale në sektorë kritikë si kujdesi shëndetësor. I njoftuar më 3 maj 2025, nëpërmjet një postimi në Twitter nga Gordon (@AltcoinGordon), ky zhvillim ka ngjallur interes jo vetëm në industritë e teknologjisë dhe kujdesit shëndetësor, por edhe në tregjet e kriptomonedhave, veçanërisht në mesin e atyre të lidhur me inteligjencën artificiale.
Kjo ngjarje revolucionare, sinjalizon shtytjen agresive të Kinës drejt adoptimit të inteligjencës artificiale, e cila mund të ketë efekte në ekosistemet e blockchain dhe kriptos të lidhura me inovacionet e inteligjencës artificiale. Raportohet se spitali është ndërtuar si një qendër eksperimentale, ku teknologjia jo vetëm zëvendëson njeriun, por e tejkalon atë. Aktualisht, ky spital i veçantë trajton mbi 3,000 pacientë realë në ditë, duke ofruar shërbime të menjëhershme./Koha.mk
Zyra e kryeministrit të Pakistanit, Shehbaz Sharif, ka thënë se forcat e armatosura të vendit janë autorizuar të ndërmarrin “veprime përkatëse” pas sulmeve të Indisë, raporton Reuters.
India ka sulmuar Pakistanin dhe Kashmirin pakistanez të mërkurën mbrëma, në luftimet më të këqija për dekada midis dy vendeve që posedojnë armë bërthamore.
Pakistani pretendon se ka rrëzuar pesë avionë indianë gjatë sulmit. Mirëpo zyrtarët e ministrisë së Mbrojtjes indiane nuk e kanë konfirmuar shifrën.
India pretendon se ka goditur nëntë objektiva që i ka përshkruar si “infrastrukturë terroriste”.
Islamabadi ka njoftuar se gjashtë lokacione pakistaneze ishin vënë në shënjestër dhe se asnjë prej tyre nuk isht kamp militantësh. Të paktën 26 civilë janë vrarë dhe 46 janë plagosur, ka thënë një zëdhënës i ushtrisë pakistaneze.
Policia indiane dhe mjekët kanë thënë se të paktën shtatë civilë janë vrarë dhe 30 të tjerë janë plagosur nga gjuajtjet hakmarrëse dhe granatimet pakistaneze gjatë natës.
Sulmet vijnë disa javë pasi 26 turistë, kryesisht indianë, u vranë nga militantët në Kashmirin e administruar nga India.
Vendet, përfshirë Rusinë dhe Kinën, kanë bërë thirrje për qetësi dhe shtensionimin midis dy kombeve. Një ministër i Mbretërisë së Bashkuar ka thënë se qeveria e tij është e gatshme të ndihmojë të dyja palët për shtensionim.
Kontrolli i Kashmirit, në ultësirat e Himalajeve, është diskutuar që kur India dhe Pakistani fituan pavarësinë nga Britania në vitin 1947. India dhe Pakistani kanë hyrë dy herë në luftë për territorin, së fundmi në vitin 1999./AlsatM
Vatikani ka njoftuar se do ta ndërpresë sinjalin telefonik brenda qytetit-shtet të vogël, gjatë konklavës për ta zgjedhur papën e ri – por, kjo nuk do të prekë edhe Sheshin e Shën Pjetrit, raporton “The Guardian”.
Nga Vatikani është njoftuar se “të gjitha sistemet e transmetimit të sinjalit të telekomunikimit për telefonat celularë të pranishëm në territorin e Shtetit të Vatikanit…do të çaktivizohen” nga ora 15:00 më 7 maj.
“Sinjali do të rikthehet pas njoftimit për zgjedhjen e papës së ri”, thuhet në deklaratë.
Një total prej 133 kardinalësh nga e gjithë bota do të mblidhen në Kapelën Sistine të Vatikanit të mërkurën për ta filluar votimin për një kryesues të ri të 1.4 miliardë katolikëve të botës. Papa Françesku vdiq më 21 prill.
Zgjedhjet do të kryhen në fshehtësi të plotë dhe kardinalëve do t’u kërkohet të lënë telefonat e tyre celularë kur të hyjnë në konklavë, tha zëdhënësi i Vatikanit, Matteo Bruni./Reporteri
Një zjarr masiv ka shpërthyer në depon më të madhe të karburantit të Sudanit, përkatësisht në kryeqytetin e përkohshëm administrativ Port Sudan, pas një sulmi të dyshuar terrorist.
Ministria e Energjisë dhe Naftës njoftoi se zjarri filloi në një rezervuar të ruajtjes së vajgurit dhe u përhap në kontejnerë të tjerë të karburantit në objektin strategjik në Sudanin lindor.
Ministria sudaneze tha se përpjekjet e zjarrfikësve janë duke punuar për të vënë flakët nën kontroll, duke theksuar se deri më tani nuk janë raportuar viktima.
Ministria gjithashtu dënoi sulmin, duke theksuar se ishte pjesë e një serie sulmesh që shënjestronin infrastrukturën civile dhe shërbimet publike të Sudanit.
“Akte të tilla rrezikojnë drejtpërdrejtë jetën e qytetarëve sudanezë dhe shtojnë të dhënat kriminale të atyre që synojnë të destabilizojnë vendin”, tha ministria./Lajmpress
Newsal.de 