Prishtinë / Diasporë – Në prag të zgjedhjeve të radhës në Kosovë, vëmendja politike është përqendruar gjithnjë e më shumë te votuesit nga diaspora, të cilët edhe këtë herë pritet të kenë një rol të rëndësishëm në rezultatin final. Sipas vlerësimeve dhe reagimeve publike në rrjete sociale, mbështetja për kryeministrin Albin Kurti dhe Lëvizjen Vetëvendosje mbetet e lartë mes mërgimtarëve, veçanërisht në Evropën Perëndimore.
Shqiptarët që jetojnë në Gjermani, Zvicër, Austri, Itali dhe Skandinavi kanë qenë tradicionalisht aktivë në proceset zgjedhore në Kosovë. Në këto zgjedhje, shumë prej tyre shprehen se e shohin Albin Kurtin si përfaqësues të ndryshimit, luftës kundër korrupsionit dhe forcimit të shtetit ligjor.
📌 Pse diaspora po e mbështet Albin Kurtin?
Sipas komenteve dhe deklarimeve publike të mërgimtarëve, arsyet kryesore të mbështetjes janë:
Qëndrimi i fortë kundër korrupsionit Transparenca në qeverisje Politikat sociale dhe ekonomike Qëndrimi dinjitoz ndaj çështjeve kombëtare Rritja e besimit te institucionet e Kosovës
Shumë votues nga diaspora theksojnë se për herë të parë ndihen të përfaqësuar nga një qeveri që, sipas tyre, nuk është e kapur nga interesat e vjetra politike.
🌍 Angazhimi i diasporës në rritje
Procesi i regjistrimit për votim nga jashtë vendit ka shënuar interes të shtuar, ndërsa rrjetet sociale janë mbushur me thirrje për pjesëmarrje masive në zgjedhje. Kjo tregon se diaspora jo vetëm që mbështet politikisht, por edhe po mobilizohet aktivisht për të ndikuar në të ardhmen e Kosovës.
🔎 Rezultati mbetet për t’u parë
Edhe pse mbështetja për Albin Kurtin në diasporë duket e fortë, rezultati përfundimtar do të varet nga pjesëmarrja dhe nga mënyra e shpërndarjes së votave. Megjithatë, një gjë është e qartë: diaspora po mbetet një faktor kyç në skenën politike të Kosovës.
Shkupi është kryeqendra e tretë në rajon, në të cilën shqiptarët shprehën pakënaqësi me procesin gjyqësor është duke u zhvilluar në Hagë ndaj ish-udhëheqësve të UÇK-së. Në një protestë, në të cilën morën pjesë mijëra vetë, u kërkua drejtësi në këtë proces gjyqësor
Mijëra qytetarë nga Maqedonia e Veriut, Kosova dhe Shqipëria u mblodhën në sheshin “Skënderbeu” në Shkup, për të kërkuar drejtësi për ish-udhëheqësit e Ushtrisë Çlirimtare të Kosovës, të cilët në Hagë janë duke u gjykuar për krime lufte dhe krime kundër njerëzimit.
Në protestën e organizuar të shtunën, ata shprehën pakënaqësi me procesin e deritanishëm gjyqësor.
Nga Shkupi, kryetari i Organizatës së Veteranëve të Luftës, Hysni Gucati, i çoi mesazh kryetares së Gjykatës Speciale.
“Ne sot, në këtë numër kaq të madh, i tregojmë (Ekaterina v.j.) Trendafilovës që UÇK-ja buron, lind dhe vepron nga populli. Populli sot është mbrapa tyre. Ne sot kërkojmë drejtësi, jo politikë. Ajo gjykatë është më shumë politike dhe i ngjan gjykatave të ish-Jugosllavisë. Kjo gjykatë merret me fakte të falsifikuara, të cilat fare nuk qëndrojnë. Isha vet dëshmitar”, ka thënë Gucati.
E Ali Ahmeti, i cili është një nga themeluesit e UÇK-së dhe kryetar i partisë më të madhe të shqiptarëve në Maqedoni të Veriut, tha se procesi gjyqësor ndaj Thaçit dhe të tjerëve duhet të përfundojë me shpalljen të pafajshëm.
“UÇK-ja, dënonte çdo veprim fashist, çdo veprim kundër popullatës civile. Ushtria e shpallte veten ushtri e popullit vullnetar, që lufton për lirinë e popullit të vet. Objektivin final nuk e arritën për ta ndërtuar, andaj nuk do të duheshin që akuzat të bëhen për “shtëpinë e verdhë”, akuza që bëhet për ndërmarrje të përbashkët kriminale, të njollosin historinë e UÇK-së”, ka thënë Ahmeti.
Në këtë linjë foli edhe Daut Haradinaj, i cili është në mesin e tre pjesëtarëve të UÇK-së që për herë të parë dolën publikisht, e tani aktiv në politikë.
“Ne besojmë në pafajësinë e tyre, se e njohim çka ka ndodhur në Kosovë. Dihet kush ka qenë agresor. Duke i njohur rrethanat nuk ka asnjë alternativë tjetër veçse të pafajësisë së tyre. Është një thirrje publike që sa më shpejt të kthehen në Kosovë, janë të pafajshëm”, ka thënë Haradinaj.
Edhe qytetarë që morën pjesë në protestë kërkuar që Specialja t’i shpallë të pafajshëm.
“Më vjen keq që sot kërkoj liri për çlirimtarët. Ata të cilët na sollën lirinë, padrejtësisht i mbajnë në Hagë. Me këmbëngulje kërkoj që ata të lirohen sa më shpejtë”, ka thënë Vedat Akshmedi, i cili mori pjesë në protestë.
“Procesi në Hagë që po zhvillohet, është me iniciativë të Serbisë. Këta heronjtë që kanë çliruar vendin, tash gjykohen në Hagë. Besoj një milion për qind se do të lirohen”, ka thënë një qytetar tjetër.
Protesta u mbajt për herë të pestë brenda këtij viti, me kërkesë për drejtësi për Hashim Thaçin, Jakup Krasniqin, Kadri Veselin dhe Rexhep Selimin. Ata ndodhen në paraburgim që nga viti 2020, ndërkaq për në pjesën e parë të 2026-s është planifikuar të shpallet vendimi nga Specialja.
Para Shkupit, protesta masive u organizuan në Prishtinë, Tiranë, Hagë dhe Strasburg.Klan.net
Kryeministri i Republikës së Kosovës, Albin Kurti, ka udhëtuar në Zurich të Zvicrës.
Gjatë këtij takimi, ai do të diskutojë mbi zhvillimet politike në Kosovë dhe rëndësinë e pjesëmarrjes aktive të qytetarëve në proceset demokratike.
Kurti ka theksuar se zgjedhjet e parakohshme parlamentare do të mbahen më 28 dhjetor dhe ka bërë thirrje që diaspora ta shfrytëzojë të drejtën e saj për të votuar, duke kontribuar në forcimin e demokracisë dhe zhvillimin e vendit.
Bashkatdhetarët shprehën interesim dhe përkrahje për proceset zhvillimore, duke nënvizuar lidhjen e vazhdueshme me atdheun.Botasot
“Paqëndrueshmëria politike” si shprehje për Ballkanin është një term i gjerë dhe me disa sfida! Këtu hyjnë të gjitha qeveritë e paqëndrueshme, korrupsioni, trazirat etnike dhe mungesa e reformave. Këta faktorë historikisht kanë krijuar konflikte dhe sfida drejt zhvillimit dhe jo stabilitetit të rajonit”! Kjo përmbledhje është rrjedhë e përdorimit të IA-s!
-Atëherë, çfarë po ndodh në Serbi, pyet autori i tekstit të më poshtëm?Beogradi, lojtari më i fortë rajonal, po promovon përsëri një narrativë nacionaliste përgjithësisht të njëjtë me atë të epokës së Millosheviqit. Autoritetet serbe po punojnë kundër pajtimit rajonal dhe kundër një zgjidhjeje të vërtetë të krimeve të viteve 1990. Kjo mund të shihet edhe në raportet e Tribunalit të Hagës dhe sasinë dërrmuese të retorikës nacionaliste të përhapur nga shtypi pro-qeveritar. Narrativa që u shitet qytetarëve është se, Serbia është nën sulm nga të gjitha anët. Vetëm kështu e mban udhëheqja, idenë se Serbia është e kërcënuar për të justifikuar rolin e saj si “mbrojtës të kombit”. Kjo narrativë funksionon si një perde e hollë për të mbuluar mënyrën se si kjo elitë e korruptuar dhe tërësisht e kriminalizuar e Serbisë keqpërdor edhe burimet shtetërore për këto përfitime!
Në dy vitet e fundit, autoritetet e kanë “plotësuar” historinë e viktimizimit të serbëve me narrativën tjetër se, Serbia është përsëri një shtet i fuqishëm edhe nga ana ushtarake! Por, risi tjetër është edhe ideja e “Botës Serbe”, një kërkesë pë të gjithë serbët në rajon, se ata duhet të orientohen drejt Beogradit dhe të ndjekin udhëzimet e tij. Kjo ide është e skicuar në dokumente zyrtare si “Strategjia e Sigurisë Kombëtare” e vitit 2019, e cila në një kontekst ushtarak bën thirrje për “mbrojtjen e serbëve kudo që jetojnë”. Stërvitjet dhe shfaqjet ushtarake transmetohen drejtpërdrejt në kanalet televizive kombëtare dhe komentohen me terma madhështorë: “toka do të dridhet nën armët serbe”. Buxheti për investime ushtarake është rritur ndjeshëm, kur dihet se Serbia ka blerë një numër sistemesh të reja armësh në vitet e fundit.
Ky qëndrim është për një ndikim më të drejtpërdrejtë në vendet fqinje, kur kombinohet me armatimin dhe glorifikimin e ushtrisë! Pra, autoritetet e Serbisë rrisin dhe nxisin konflikte, në vend që të zvogëlojë këtë mundësi në rajon. Ato kanë krijuar një model autokratik qeverisjeje, të bazuar në pushtetin e individit dhe jo në pushtetin institucional. Mungesa e një sistemi gjyqësor funksional ndihmon përhapjen e korrupcionit. Këtu, është njëjtë si në Rusi, përderisa edhe udhëheqësit e politikës serbe luftojnë për të ruajtur të njëjtin model shoqëror që është i dobishëm për ta. Është joreale të besohet se dorëzimi ndaj këtyre kërkesave të autoriteteve serbe drejt rritjes për ndikim ndaj vendeve fqinje mund të kontribuojë në një zhvillimin pozitiv shoqëror në rajon!
Situata në Serbi është një problem në rritje, sepse kuadri ndërkombëtar është më pak i qëndrueshëm se sa që ishte më heret, pra ekziston rreziku që vendet e BE-së dhe ato të NATO-s, veçanërisht Shtetet e Bashkuara, nuk do të fokusohen mjaftueshëm ndaj rrethanave në rajon për të qenë në gjendje të kundërshtojnë këto zhvillime dramatike dhe të pa dëshirueshme. Drejtimi autokratik dhe autoritar i Serbisë nuk përputhet me idenë e integrimit evropian, përkundrazi i shërben Kinës dhe Rusisë, të cilat po punojnë për një Evropë më të dobët dhe më të fragmentuar. Në veçanti, krijimi i mundshëm i shteteve gjysmë të pavarura kroate dhe serbe, tërësisht të korruptuara në Bosnjë dhe Hercegovinë do të ishte një paketë dhuratash për ndikimin rus dhe kinez në Evropën Juglindore.
Në dy vitet e fundit, autoritetet e kanë “plotësuar” historinë e viktimizimit të serbëve me n
Është e vështirë të imagjinohet, se tensionet në rajon do të ulen përgjithmonë duke iu nënshtruar edhe më tej këtyre politikave nacionaliste të autoriteteve serbe.
-Ideja e ndarjeve territoriale dhe forcimet e mëtejshme të etnisë si bazë për të drejtat e individëve në shtetet ku jetojnë, mund të përshkruhet tashmë si një dështim. Për të dyja këto, (bazuar në zhvillimet negative që kemi parë deri më tani), elita kleptokratike e Serbisë do të përdorë nacionalizmin si mjet edhe në të ardhmen. Ata gjithmonë do të jenë në gjendje të nxjerrin në pah “çështje të reja jetësore kombëtare” për të shfrytëzuar këto dy çështje dhe për të devijuar nga sistemet e drejta ligjore. Prandaj, është e domosdoshme për bashkësinë ndërkombëtare, përfshirë këtu edhe diplomatët norvegjezë, që të jenë të kujdesshëm dhe mos të mbështetetin idetë kësaj politike të Serbisë për zgjidhjet etno-nacionaliste. Për parimet e sundimit të ligjit, politikanët mbahen përgjegjës ndaj qytetarëve përmes një gjyqësori të drejtë funksional me mediumeve korrekte, siç i kemi në Norvegji.
Arritja e ndryshimeve të vërteta pozitive në Ballkan do të kërkojë përpjekje dhe do të përballet me rezistencë të ashpër nga ata që përfitojnë nga rendi aktual. Megjithatë, duhet të pyesim veten nëse kjo alternativë është dukshëm më e keqe, nëse pranojmë që kleptokratët nacionalistë të mbështetur nga Rusia të bëhen forcat dominuese në Evropën Qendrore dhe Juglindore. Minimumi i vendeve të BE-së dhe NATO-s është të dalin me masa të qarta dhe të mjaftueshme kundër këtyre përpjekjeve konkrete të Serbisë, veprime këto të identifikueshme për të krijuar tensione të reja, apo konflikte të armatosura.
Pra, ajo që do të ndodh më pas në Ballkan, m’varet kryesisht nga vullneti i vendeve të BE-së dhe NATO-s për të mbrojtur modelin e tyre shoqëror. Sot është e rëndësishme edhe për Norvegjinë që të mbrojë vlerat themelore demokratike në rajon, por me një ndryshim nga e kaluara, kur stabilitetit afatshkurtër i jipej përparësi! /Botasot
Presidenti amerikan, Donald Trump, ka thënë të hënën se do ta ndëshkojë Rusinë me tarifa, nëse nuk arrihet një marrëveshje për t’i dhënë fund luftës në Ukrainë brenda 50 ditëve.
Trump e bëri këtë njoftim gjatë takimit në Zyrën Ovale me Sekretarin e Përgjithshëm të NATO-s, Mark Rutte.
Sipas tij, tarifat do të jenë dytësore, që nënkupton se synohen Moska dhe partnerët tregtarë të saj, në përpjekje për ta izoluar atë nga ekonomia globale.
“Jemi shumë të palumtur me Rusinë, dhe do të vendosim tarifa shumë të rënda, nëse nuk kemi marrëveshje për 50 ditë, dhe ne i quajmë këto tarifa dytësore, ju e dini shumë mirë se çfarë do të thotë kjo”, është shprehur Trump.
Po ashtu, shefi i Shtëpisë së Bardhë ka konfirmuar se ka rënë dakord për të dërguar armë në Ukrainë, teksa është krenuar me faktin se, sipas tij, SHBA-ja i prodhon pajisjet ushtarake më të mira në botë.
Këto pajisje do të blihen nga vendet anëtare të NATO-s dhe më pas ato do t’ia dërgojnë si ndihmë ushtarake Ukrainës.
E Rutte e ka përshkruar marrëveshjen e dakorduar me SHBA-në për dërgesat e armatimit si diçka të madhe. Krahas kësaj, e ka kualifikuar si të logjikshëm vendimin që vendet evropiane të paguajnë për këto pajisje.
“Kjo është me të vërtetë e madhe, ju më telefonuat të enjten dhe më treguat se keni marrë vendim, dhe vendimi është që ju dëshironi që Ukraina të jetë e aftë ta mbrojë veten nga Rusia, porse doni që evropianët të paguajnë, që ishte diçka totalisht e logjikshme”, ka deklaruar Rutte.
Po të hënën, presidenti ukrainas, Volodymyr Zelensky, është takuar në Kiev me të dërguarin e posaçëm amerikan, Keith Kellogg, ku është diskutuar për mbrojtjen ajrore, prodhimin e përbashkët të armëve, si dhe për sanksionet ndaj Rusisë./Koha.net
Të hënën, presidenti amerikan Donald Trump, njoftoi tarifa prej 35 përqind për importet nga Serbia dhe 30 përqind për Bosnjën dhe Hercegovinën.
Këto janë tarifa reciproke të vonuara që u njoftuan në prill. Tarifat e reja për Serbinë, si dhe për një numër vendesh të tjera, do të hyjnë në fuqi më 1 gusht.
Trump informoi presidentin serb Aleksandar Vuçiq, si dhe udhëheqësit e vendeve të tjera, në një letër se SHBA-të do të vendosin tarifa shtesë prej 35 përqind për importet e mallrave nga Serbia nga 1 gushti.
Trump publikoi letrën që i dërgoi Vuçiqit dhe udhëheqësve të vendeve të tjera në rrjetin e tij social Truth Social.
Presidenti i SHBA-së tha se ishte “shumë i nderuar që dërgoi një letër që tregon angazhimin ndaj marrëdhënieve tregtare SHBA-Serbi dhe faktin se SHBA-të kanë rënë dakord të vazhdojnë të punojnë me Serbinë, pavarësisht deficitit të konsiderueshëm tregtar midis dy vendeve”, përcjell telegrafi.
Ai tha se nuk do të kishte tarifa nëse Serbia ose kompanitë serbe vendosnin të prodhonin në SHBA, dhe theksoi se tarifat do të rriteshin nëse Beogradi vendoste të hakmerrej duke futur tarifa shtesë për importet nga SHBA-të.
Në fillim të prillit, kur Trump e ngriti për herë të parë këtë çështje, tarifat për importet nga Serbia ishin 37 përqind, por mbrëmë u njoftua se ato do të vazhdonin të ishin 35 përqind.
Ai gjithashtu i dërgoi një letër Zhelko Cvijanoviqit, i cili është kryetar i Presidencës së Bosnjës dhe Hercegovinës, se tarifa për importet e mallrave nga Bosnja e Hercegovina do të ishte 30 përqind.
Ndryshe Trump njoftoi tarifa prej 25 përqind për Japoninë, Korenë e Jugut, Malajzinë dhe Kazakistanin, 30 përqind për Afrikën e Jugut, 32 përqind për Indonezinë, 35 përqind për Bangladeshin, 36 përqind për Kamboxhian dhe Tajlandën, dhe 40 përqind për Laosin dhe Mianmarin./Periskopi/
Qeveria gjermane parashikon të shpenzojë rreth 850 miliardë euro kredi të reja deri në vitin 2029. Ana negative e programit të investimeve është barra në rritje e interesit në buxhet.
Rrugë të vjetëruara, ura që kanë nevojë për rivitalizim, ndërtime shkollash, trena të vonuar, mungesa e internetit të shpejtë – këto janë vetëm disa nga problemet e përditshme në Gjermani. Por kjo duhet të ndryshojë së shpejti. “Ne duam që ekskavatorët të fillojnë të punojnë shpejt tani,” tha ministri i Financave Lars Klingbeil ndërsa prezantoi planet e tij për buxhetin në Berlin.
Të martën (24 qershor), zyra e qeverisë miratoi projektbuxhetin për vitin 2025, kornizën e buxhetit për vitin 2026 dhe parashikimin e përafërt financiar deri në vitin 2029. Qeveria miratoi edhe një projektligj që do të krijojë një fond të posaçëm për infrastrukturën dhe klimën, të financuar përmes huamarrjes.
Një kthesë në politikën financiare
Investimet në infrastrukturë do të luajnë një rol kyç në të ardhmen. Vetëm këtë vit, buxheti ka caktuar 115 miliardë euro investime. “Vendi ynë është shkatërruar dhe është lënë pas dore shumë. Prapambetja e investimeve është e madhe,” tha Klingbeil, i cili është gjithashtu zv.kancelar dhe kreu i SPD.
Rehabilitimi i infrastrukturës duhet të ndihmojë gjithashtu në nxitjen e një ekonomie që po tregon shenja dobësie. Përveç kësaj, është planifikuar një rritje e konsiderueshme e shpenzimeve për mbrojtjen.
Plani financiar i qeverisë së re shënon një kthesë në politikën fiskale gjermane. Në nëntor 2024, qeveria e mëparshme ra për shkak të një konflikti mbi financimin e buxhetit.
Zgjedhjet e reja u mbajtën në shkurt 2025 dhe tani në pushtet janë kristiandemokratët dhe socialdemokratët. Problemi i arkës së zbrazët të shtetit do të zgjidhet duke marrë hua në një shkallë të paparë. Edhe para se të merrnin pushtetin, partnerët e koalicionit, me pëlqimin e të Gjelbërve, miratuan një paketë të madhe financiare për vitet e ardhshme – 500 miliardë euro për investime në infrastrukturën e lënë pas dore. Praktikisht nuk ka asnjë limit huamarrjeje për armatosjen e Bundeswehrit dhe rritjen e aftësive mbrojtëse të Gjermanisë.
Qindra miliarda investime
Planet e Klingbeil rreth 50 ditë pas marrjes së pushtetit tregojnë se çfarë do të thotë kjo. Shpenzimet buxhetore të këtij viti janë planifikuar të jenë 503 miliardë euro, nga të cilat rreth 143 miliardë do të financohen përmes kredive.
Në vitet e ardhshme, borxhi do të rritet dhe në total duhet të arrijë në 847 miliardë euro. Këto janë vlera rekord të paprecedentë, por zëvendëskancelari i ka mbrojtur me forcë planet e tilla. Gjermania ka një borxh prej 63 për qind të PBB-së së saj, që është dukshëm më i ulët se vendet e tjera, borxhi i të cilave ndonjëherë është më i lartë se 100 për qind.
Kritika ndaj “frenit të borxhit”
Asgjë nuk është më e shtrenjtë se ngecja ekonomike e viteve të fundit, thekson Klingbeil. “Ndryshe prej disa paraardhësve të mi, unë nuk kam ndonjë motivim të veçantë për të ruajtur paratë dhe për të mos i shpenzuar ato, nëse shoh se asgjë nuk po përparon në vend”, kritikon ai këmbënguljen e ministrave të mëparshëm të Financave për ekuilibrin fiskal.
Ky ekuilibër është i futur edhe në Kushtetutë dhe në fakt përcakton që shteti mund të shpenzojë vetëm aq para sa mbledh. Për të përjashtuar programin e investimeve dhe rritjen e shpenzimeve të mbrojtjes nga e ashtuquajtura “freni i borxhit”, ishte e nevojshme të ndryshohej Kushtetuta.
10% e buxhetit për interesa
Vendet e NATO-s kanë rënë dakord të investojnë pesë për qind të PBB-së së tyre në mbrojtje në afat të mesëm, nga të cilat 3.5 për qind në shpenzime tradicionale ushtarake. Klingbeil dëshiron ta arrijë këtë synim sa më shpejt të jetë e mundur.
Sipas planit të tij, buxheti i mbrojtjes i Gjermanisë gradualisht do të dyfishohet deri në vitin 2029 – në 152.8 miliardë euro. Kjo do të ishte 3.5 përqind. Klingbeil thotë se Gjermania duhet të jetë “e përgatitur në fushat e parandalimit dhe mbrojtjes”.
Ana negative e huamarrjes është rritja e kostove të interesit. Ministria e Financave vlerëson se barra e interesit në vitin 2029 do të arrijë në pothuajse 62 miliardë euro.
Kjo është dyfishi i parashikimit për vitin 2025. Sipas planit financiar të qeverisë, dhjetë për qind e buxhetit duhet të ndahet për interesin deri në vitin 2029.
Ku mund të bëhen kursime?
Vetëm kostot e interesit janë arsye e mjaftueshme për të marrë në konsideratë masat e kursimit në buxhetin e rregullt në vitet e ardhshme. Konsolidimi është, sipas Klingbeil, një pjesë e fortë e planit të tij. Përveç kësaj, 100 miliardë euro në fonde speciale për Bundeswehrin, të cilat u ndanë në vitin 2022 pas pushtimit rus të Ukrainës, do të shpenzohen deri në vitin 2027.
Pjesa e shpenzimeve të mbrojtjes në buxhetin e rregullt do të rritet ndjeshëm, duke lënë pak hapësirë për shpenzime të tjera. E Majta, e cila është në opozitë në Bundestag, ka qenë kritike e ashpër për këtë. Sipas tyre, qytetarët nuk kanë nevojë për “tanke, por për kopshte funksionale, autobusë dhe një tranzicion të përballueshëm energjetik”.
Më pak para për mbrojtje sociale dhe mbrojtje të klimës?
Kritika po vijnë edhe nga shoqatat sociale. Organizata bamirëse e kishës protestante Diakonie beson se “investimet në infrastrukturën sociale dhe sigurimet shoqërore” janë shumë modeste. Siguria e brendshme dhe e jashtme përfshin gjithashtu “luftën kundër varfërisë, mbështetjen për fëmijët dhe të rinjtë, kujdesin për të moshuarit dhe të sëmurët, përfshirjen e personave me aftësi të kufizuara, integrimin e refugjatëve, si dhe mbrojtjen e klimës me drejtësi sociale”, thekson organizata humanitare ungjillore.
Të Gjelbrit, të cilët janë në opozitë në Bundestag, janë veçanërisht të shqetësuar që 100 miliardë eurot e destinuara për masat klimatike do të përdoren edhe për të financuar uljen e çmimeve të energjisë. Të Gjelbrit besojnë se mbrojtja e klimës po reduktohet në një artikull margjinal në buxhet.
Projektbuxheti për vitin 2025 shkon në Bundestag, ku së pari diskutohet në komisione dhe në një seancë plenare para pushimeve të verës, e ndoshta do të ndryshohen disa pika. Miratimi prite në shtator. Parlamenti në Gjermani ka autoritetin suprem mbi buxhetin.
Ndërkohë, ministri i Financave Lars Klingbeil po punon në një draft për vitin 2026, të cilin planifikon t’ia paraqesë kabinetit më 30 korrik. Duke filluar nga shtatori, ky buxhet do të jetë gjithashtu objekt debati në Bundestag, dhe do të miratohet deri në fund të nëntorit./DW.com
Konstituimi i përbërjes së re të Kuvendit ka dështuar edhe në tentativë e 17-të. Kryesuesi u propozoi përfaqësuesve partiakë që mbledhjet t’i mbajnë më rrallë, së paku një herë në javë. Por, propozimin e kundërshtuan përfaqësuesit e partive që deri tash kanë qenë në opozitë, sipas të cilëve me të Vetëvendosja tregon se nuk e ka prioritet konstituimin.
Në tentativën e 17-të për ta konstituuar përbërjen e re të Kuvendit, është dhënë propozimi që deputetët të mblidhen më rrallë se çdo 48 orë. Reduktimin e takimeve në një herë në javë, për aq kohë sa zgjat seanca konstituive, e propozoi të shtunën kryesuesi Avni Dehari. Idenë ua dha përfaqësuesve partiakë në konsultën që e ftoi me ta, para se të niste vazhdimi i 17-të i seancës konstituive që ka nisur një muaj më parë.
“Para se të fillojmë me seancën konstituive, e shoh të nevojshme që të vijnë për një konsultim shumë të shkurtër përfaqësuesit e subjekteve politike”, tha kryesuesi.
Dehari nuk e gjeti konsensusin që e kërkoi për ta anashkaluar kërkesën e Rregullores së Kuvendit, sipas së cilës pauza mes vazhdimeve të seancës konstituive nuk mund të jetë më e gjatë se 42 orë.
Vazhdimi i së shtunës nisi me një minutë heshtje, në 26-vjetorin e zhdukjes me dhunë të veprimtarit Ukshin Hoti që ndodhej i burgosur në Serbi.
Pa deputetët e AAK-së që munguan dhe me deputetët e LVV-së që në sallën e Kuvendit u paraqitën me 40 minuta vonesë, Dehari vazhdoi me pikën e rendit të ditës, në të cilën ligjvënësit kanë ngecur që 9 seanca – formimin e Komisionit për ta menaxhuar votimin e fshehtë për kryeparlamentarin.
Ai kërkoi propozime nga subjektet politike që në tentimet paraprake nuk kanë dhënë emrat për anëtarë të komisionit. Njëjtë si herëve të tjera, PDK-ja, LDK-ja dhe Lista Serbe nuk propozuan anëtarë.
Në votim, 56 votat që ishin për nuk qenë të mjaftueshme për formimin e Komisionit me anëtarët e propozuar më herët, dhe seanca u ndërpre. Pas kësaj, 99 deputetët që u mblodhën në vikend me qëllimin për konstituim të legjislaturës së re, u kthyen prapa pa bërë gjë.
Idenë që vazhdimet e seancës të mbahen më rrallë, përfaqësuesit e partive që në mandatin e shkuar ishin në opozitë, e cilësuan shkelje dhe mesazh që partia fituese nuk do zgjidhje.
“Është krejtësisht e papranueshme që të bëhet një kërkesë e tillë për të shkelur rregulloren me vetëdije dhe e dyta kjo tregon se vullneti i tyre nuk është në asnjë mënyrë për të tentuar për të bërë zgjidhje apo për të lëvizur përpara”, u shpreh kryetari i PDK-së, Memli Krasniqi.
Interpretim të njëjtë i dha edhe deputetja e LDK-së, Hykmete Bajrami.
“Ne këtë e shohim indikacion shtesë që LVV-ja nuk është absolutisht e interesuar që ta bëjë konstituimin e Kuvendit. Ata mungesën e institucioneve të Kuvendit dhe të Qeverisë e kanë reduktuar në problem të mbledhjes çdo 48 orë të deputetëve”, ka thënë Bajrami.
Por, deputetja e koalicionit fitues, LVV-Guxo-Alternativa, Mimoza Kusari-Lila, tha se propozimi u bë si pasojë e mungesës së rezultateve nga vazhdimet që janë mbajtur çdo të dytën ditë.
“Në rast se janë të barrikaduar në ato pozicione dhe nuk e ndiejnë peshën e përgjegjësisë për të marrë pjesë në votim as për procedurë, le ta presim interpretimin e Gjykatës Kushtetuese. Se nuk është që po bëjmë ndonjë hair që po vijmë këtu çdo 48 orë, përderisa ata nuk po lëvizin nga pozicioni i tyre i mos votimit”, deklaroi Kusari-Lila.
Në PDK e LDK përsëritën se përgjegjësia për zhbllokim i takon LVV-së, subjekt ky që nuk e ka siguruar shumicën në Kuvend.
Kryetari i PDK-së, Krasniqi, tha se problemin nuk e kanë vetëm me emrin e Albulena Haxhiut për kandidate për kryeparlamentare.
“Partia Demokratike e Kosovës, përveç zonjës Haxhiu nuk do të votojë për asnjë propozim që mund të vijë si zëvendësim i saj e që është ish ministër i qeverisë Kurti II”, ka thënë ai.
E, ngërçi në Kuvend është produkt i kalkulimit të partive për zgjedhjet lokale të cilat mbahen kah fundi i këtij viti, ka thënë analisti Arbnor Sadiku.
I ftuar në “Specialen” e KTV-së për vazhdimin e 17-të të seancës konstituive, ai theksoi se Lëvizja Vetëvendosje mund të kalkulojë që me lokalet të organizohen edhe zgjedhjet e parakohshme nacionale.
“Lëvizja Vetëvendosje si duket nuk ka asgjë me urgjencë dhe është e interesuar të vazhdojë kësisoj për faktin që i ka levat e pushtetit në dorë dhe nuk i ngutet asgjë, kurse opozita është e fokusuar tashmë në zgjedhjet lokale dhe ka filluar përgatitjen e kandidaturave për kryetarë komunash dhe siç po shihet jemi në një skenar ku praktikisht Lëvizja Vetëvendosje do ta zvarrisë situatën për aq sa është e mundur dhe kësisoj kur të vijmë te zgjedhjet lokale mund të kemi edhe shpalljen e zgjedhjeve të jashtëzakonshme”, ka thënë Sadiku.
Sipas tij, historia ka treguar se në mungesë të vullnetit politik për të dalë nga bllokada, presioni ndërkombëtar për zgjidhje ka qenë shpesh faktor vendimtar.
“Po të na liheshin neve nuk do të dinim dhe nuk do të donim t’i bënim, siç po ndodh aktualisht. Fatkeqësisht Kuvendi i Kosovës po duket sikurse sokaku i të marrëve në romanin e Kadaresë ku njerëzit që kalojnë andej janë vërtet të marrë dhe kuvendin e kanë shndërruar në të tillë, ku nuk ka asnjë zgjidhje politike për zhbllokim të situatës”, ka thënë ai.
Në mungesë të zgjidhjes, presidentja Vjosa Osmani nuk e ka përjashtuar mundësinë që t’i drejtohet Gjykatës Kushtetuese. E në këtë gjykatë, ditë më parë e ka deponuar një kërkesë AAK-ja.
Pavarësisht procedurës në gjykatë, seanca do të vazhdojë çdo 48 orë. Vazhdimi i radhës do të mbahet të hënën në orën 10:30./Koha.net
Siguria e Evropës dhe Ukraina do të jenë në fokus të diskutimeve në Samitin e Komunitetit Evropian, i cili mbahet të premten në Tiranë. Kosova do të përfaqësohet nga presidentja Vjosa Osmani. Derisa në një dokument të publikuar nga Këshilli i Bashkimit Evropian, Kosova figuron me fusnotë duke mos ia paragjykuar statusin, por në atë të Komunitetit, Kosovës nuk i është vendosur asterisku.
Takimi i gjashtë i Komunitetit Politik Evropian do t’i mbledhë të premten në Tiranë udhëheqësit nga i gjithë kontinenti i vjetër, për të diskutuar në temën “Evropa e Re në një botë të re: unitet – bashkëpunim – veprim i përbashkët”. Kosova në këtë samit do të përfaqësohet nga presidentja Vjosa Osmani.
“Sikurse në samitet paraprake, presidentja Osmani e përfaqëson Kosovën në samitin e radhës së EPC-së, që mbahet të premten në Tiranë”, ka konfirmuar Bekim Kupina, këshilltar për media i presidentes Osmani.
Mbështetur në agjendën që ka publikuar Këshilli i Bashkimit Evropian, Kosova figuron me fusnotë, sipas së cilës nuk paragjykohen qëndrimet mbi statusin dhe ai është në përputhje me Rezolutën 1244 të OKB-së dhe Mendimin e GJND-së mbi shpalljen e Pavarësisë së Kosovës.
Por në dokumentin e publikuar nga Komuniteti Politik Evropian, Kosova paraqitet pa asterisk. 47 udhëheqës shtetesh dhe qeverish dhe të institucioneve të BE-së janë të ftuar të marrin pjesë në takimin e gjashtë të Komunitetit Politik Evropian. Sekretarët e përgjithshëm të NATO-s, Këshillit të Evropës dhe Organizatës për Siguri dhe Bashkëpunim në Evropë (OSBE) po ashtu janë ftuar.
Bashkë me presidentin e Këshillit të BE-së, Antonio Costa, BE-ja do të përfaqësohet edhe nga presidenti i Komisionit Evropian, Ursula von der Leyen dhe përfaqësuesja e lartë për Punët e Jashtme, Kaja Kallas.
Samiti do të përfshijë seanca plenare hapëse dhe mbyllëse, me tryeza tematike paralele dhe takime dypalëshe.
Në fokus të diskutimeve do të jetë Ukrainë dhe siguria në Evropë.
“Udhëheqësit pritet të diskutojnë për sigurinë e Evropës, duke përfshirë mbështetjen për Ukrainën, mbrojtjen evropiane, ruajtjen e demokracisë, si dhe gatishmërinë e aftësinë e reagimit ndaj kërcënimeve të ndryshme. Do të zhvillohet dialog mbi përmirësimin e konkurrueshmërisë së kontinentit përmes investimeve, inovacionit dhe ndërtimit të qëndrueshmërisë në disa fusha. Do të trajtohen gjithashtu sfidat e lëvizjes, duke përfshirë migrimin, lëvizjen e fuqisë punëtore dhe lëvizjen e të rinjve”, shkruan në agjendë.
Themelimi i këtij Komuniteti ndodhi pas propozimit të presidentit të Francës, Emmanuel Macron, si përgjigje e drejtpërdrejtë ndaj luftës në Ukrainë.
Qëllimi i Komunitetit Politik Evropian është të lehtësojë dialogun dhe bashkëpunimin midis udhëheqësve të kontinentit për të adresuar çështje me interes të përbashkët, me qëllim forcimin e sigurisë, stabilitetin dhe prosperitetin e Evropës. Kjo platformë nuk ka për qëllim të zëvendësojë ndonjë strukturë, organizatë apo proces ekzistues, por është më tepër një forum në të cilin shtetet evropiane mund të gjejnë hapësirë të mëtejshme për bashkëpunim mbi çështjet më urgjente në kontinent.
Komuniteti mblidhet në nivelin më të lartë dy herë në vit, teksa kryesuesi i tij ndërrohet ndërmjet 27 vendeve anëtare të Bashkimit Evropian dhe 20 vendeve që nuk janë anëtare në BE. Deri tash janë mbajtur pesë takime të Komunitetit Politik Evropian./Koha.net
“Dokumentet e farsës elektorale do i çojmë në Kancelaritë Europiane dhe Senatin dhe Kongresin e SHBA”
Kreu demokrat Berisha, tha se do te paraqese fakte në kancelaritë e Europës ne Senatin dhe Kongresin e SHBA-së. nga ajo qe ai e konsideron masakra elektorale që ka ndodhur në zgjedhjet e 11 Majit.
Sipas Berishës raportet paraprake i kanë rrëzuar përtokë këto zgjedhje.
Ftoi demokratët të vazhdojnë misionin për rikthimin e votës së lirë.
Newsal.de 