Pas takimit të përbashkët mes përfaqësuesve te tre subjektve politike të Koalicionit VLEN, Izet Mexhiti tha se votuesit shqiptarë në zgjedhje lokale do të votojnë mes dy taboreve politike – VLEN-it dhe Frontit Europian, raporton Televizioni 21.
Vazhdon procesi i shkrirjes së subjekteve në një subjekt të vetëm të VLEN-it me qëllim që shqiptarët, votuesit do të kenë dy tabore – VLEN-in dhe Frontin Europian”, tha Mexhiti.
Më tej ai foli edhe për Arben Taravarin. Tha se porosia e të gjithë partnerëve të Qeverisë është “që edhe në Qeveri edhe me BDI-në nuk ka mundësi.
Porosia nga të gjithë partnerët në Qeveri është që çdokush që e ndihmon dhe bashkëpunon me BDI-në, duhet të mos turpërohet, ta nxjerrë para opinionit dhe lirisht mund të shkojë të bëhet bashkë me BDI-në. Por, edhe në Qeveri edhe me BDI-në nuk ka mundësi. Kjo është deklaruar nga të gjithë partnerët në Qeveri, tha më tej Mexhiti.
Kryeministri i Kosovës, Albin Kurti, ka shmangur të japë një përgjigje të drejtpërdrejtë lidhur me mundësinë që Albulena Haxhiu të propozohet sërish për postin e kryetares së Kuvendit të Kosovës.
Gjatë një vizite në fshatin Rogovë të Hasit, ku u përurua një urë e re, Kurti u pyet nga KosovaPress për kandidaturën e Haxhiut, por ai nuk dha një përgjigje konkrete, transmeton klankosova.tv.
Në vend të kësaj, ai u shpreh:
”Ne ndërtojmë ura, banorët e Rogovës ndërtojnë tokën, e shiu është për bereqet”.
Deklarata e Kurtit vjen në kohën kur procesi për zgjedhjen e kryetares së Kuvendit vazhdon të ngecë. Albulena Haxhiu, e propozuar nga Lëvizja Vetëvendosje, nuk arriti të sigurojë votat e nevojshme në tentimin e tretë për të seancës së pestë të seancës konstituive – duke marrë 57 vota për, 46 kundër dhe 3 abstenime.
Kreu i ekzekutivit gjithashtu refuzoi të komentojë edhe për kallëzimin penal të paralajmëruar nga Lidhja Demokratike e Kosovës (LDK).
Seanca konstituive pritet të vazhdojë të premten, në orën 10:00, ndërsa mbetet e paqartë nëse LVV do të rikandidojë Haxhiun apo do të propozojë një emër të ri.Tetovasot
Ndonëse për katër herë nuk mori përkrahjen e shumicës, Albulena Haxhiu do të propozohet sërish nga Lëvizja Vetëvendosje për kryeparlamentare.
Kështu ka konfirmuar, deputeti i kësaj partie, Artan Abrashi.
I njëjti akuzon opozitën për bllokim të qëllimshëm të situatës në Kuvend.
“Ndodhemi në situatën e bllokimit të zgjedhjes së kryetarit të Kuvendit. Aryejet që opozita i jep janë plotësisht të paqëndrueshme besoj dhe jam i bindur që janë në plotni të dhe njohuri sa i përket se kujt i takon i takon e drejta për propozim të kryeparlamentarit e dijnë që kjo çështje e rregulluar me një vendim të Gjykatës Kushtetuese dhe nuk ka asnjë diskutim dhe as mundësi për të përzgjedhë ashtu sic po dojnë ata sipas tekeve dhe dëshirave të tyre për një person që ju përshtat”, tha Abrashi për Tëvë1.
Sipas tij, Haxhiu ka përvojën e duhur për të qenë kryetare Kuvendi.
“Lëvizja Vetëvendosje e ka dhënë propozimin për kryetare të Kuvendit, ajo është zonja Albulena Haxhiu e cila e ka legjitimitetin e plotë politik, besimin tonë të plotë dhe përvojën e mjaftueshme për të qenë një kryeparlamentare e denjë ashtu siç i ka hije dhe sic ka nevojë Kuvendi i Republikës së Kosovës, tha ai.
E nga Lidhja Demokratike e Kosovës, nuk kanë ndryshuar qëndrim.
Armend Zemaj nga kjo parti thotë se vota e tyre kundër, nuk lidhet me individin, por me subjektin politik.
“Për LDK-në nuk është asnjë problem emri i përveshëm, për Lidhjen Demokratike të Kosovës është Lëvizja Vetëvendosje sjellja e saj por edhe veprimet e saj konform rezultatit zgjedhor ose konform bashkëpunimit reciprok që duhet të kishte në suazat demokratike”, tha Zemaj.
Zemaj thotë se nëse ftohen për takim konsultativ rreth kësaj teme, përgjigja do të jetë negative.
“Për konstituimin e Kuvendit as nuk kemi pranua thirrje, vota jonë është kundër, kjo është konsistencë, dhe është veprim dhe është vendim politik i organeve të LDK-së”.
Media ka tentuar të marrë një qëndrim edhe nga Partia Demokratike e Kosovës, por të njëjtit nuk kanë pranuar të flasin.
Në anën tjetër, njohësi i çështjeve politike, Albinot Maloku konsideron se në këtë moment, duhet konsensus politik për të dalë nga kjo situatë.
“Ajo që është e rekomandueshme aktualisht, është që palët të ulën dhe të kuptojnë që pa një marrëveshje politike nuk bëhen gjërat në forma të ndryshme, për arsyeje se numrat janë si janë, ata janë kokëfortë dhe këtyre numrave duhet t’i japin formë dhe përmbajtje. Për rrjedhojë, marrëveshja politike mes akterëve do ishte momentum kthese për ndryshimin e kësaj situate”, tha Maloku.
Seanca e radhës për konstituimin e Kuvendit do të mbahet të dielën duke filluar nga ora 10:00.Botasot
Pesë sindikata kombëtare dhe studentët në bllokadë po bëjnë thirrje për festimin e 1 Majit – Ditës së Punës përpara ndërtesës së Qeverisë së Serbisë.
“Më 1 maj, shënojmë gjashtë muaj që nga rënia e tendës në Novi Sad. Nga ky moment e tutje, lufta jonë hyn në fazën tjetër. Ne nuk qëndrojmë më vetëm në bllokada. Ky është një hap drejt radikalizimit që do të mundësojë forma të reja presioni”, thuhet në një deklaratë në Instagram.
Është deklaruar se Ligji për Grevën dhe Ligji për Punën janë themelet e sistemit të shfrytëzimit.
“Ata mbrojnë qeverinë, jo punëtorin. Këto ligje duhet të ndryshojnë – një ndalesë masive e punës. Ne po luftojmë për të drejtën për të jetuar pa frikë. Për punëtorët, për studentët, për të gjithë ne. Shihemi më 1 maj në orën 12:00”, thanë studentët.
Kujtojmë, protestat në Serbi filluan pas shembjes së një strehe të Stacionit Hekurudhor të Novi Sadit, më 1 nëntor. Në këtë incident, 16 persona humbën jetën.Rtv21
Zyrtarët evropianë dhe ukrainas në takimin në Londër të mërkurën do të përballen me propozimin e Shteteve të Bashkuara të Amerikës për ta njohur aneksimin ilegal të Krimesë nga Rusia dhe ngrirjen e linjave të frontit si pjesë e një marrëveshjeje të paqes, sipas disa burimeve, ka raportuar “The Washington Post”. Aleatët e Ukrainës po shpresojnë të fitojnë garanci të sigurisë dhe programe rindërtimi për vendin e shkatërruar nga lufta në këmbim të lëshimeve të tilla territoriale.
Propozimet e SHBA-së, të cilat i janë prezantuar Ukrainës në Paris javën e kaluar, përfshinë që SHBA-ja ta njohë formalisht Krimenë e aneksuar si territor rus dhe eventualisht t’i largohen sanksionet kundër Rusisë në një marrëveshje në të ardhmen, sipas tri burimeve të informuar me çështjen. Në këmbim, Moska do të përfundonte sulmet në Ukrainë derisa shijon momentum favorizues dhe avantazhe të dukshme në fuqi të trupave dhe armë. Një këshilltarë i presidentit ukrainas, Volodymyr Zelensky, tha se propozimet amerikane përfshinë disa ide që Kievi pajtohet me to dhe disa që nuk pajtohet. Një zyrtar perëndimor tha se sasia e presionit që i është vendosur Ukraina është i jashtëzakonshëm. Si të tjerët, ata folën në kushte anonimiteti.
Një zyrtar i Departamentit të Shtetit minimizoi idenë se Washingtoni po i paraqiste një fakt të kryer Kievit, por zhgënjimet gjithnjë e më të mëdha publike të administratës së Donald Trumpit me ritmin e bisedimeve e kanë lënë Kievin të frikësuar nga një rënie tjetër në marrëdhëniet me Washingtonin. E presidenti i Ukrainës, Volodymyr Zelensky, ka refuzuar idenë që ta njohë Krimenë si territor rus.
“Krimea është territor i yni, territor i popullit të Ukrainës. Ne nuk kemi asgjë për të biseduar për këtë temë – është jashta Kushtetutës sonë”, tha Zelensky për mediumin ukrainas “Suspilne”. “Në momentin kur ne fillojmë të bisedojmë për Krimenë, për territoret tona sovrane, atëherë futemi në një format të zgjatjes së luftës. Kjo është ajo që do Rusia”. Rusia e ka aneksuar Krimenë nga Ukraina në vitin 2014. /tv21
Newsal.de 